Mudooyinkan dambe waxaa soo baxayey in uu taagan yahay khilaaf xagga Hogaanka siyaasadda & ka Ciidamada ee Gudida SSC u dhexeeyey taasoo ku saabsanaysd qaabka loo waajahayo marxaladda hadda taagan, waxaana uu khilaafkaasi keenay hadda inuu golahaasi iskaga baxao mid ka mid ah hogaamiyayaashii goobaha hawlgalada o lagu magacaabo Keyse Cabdi Yuusuf ahaana sarkaalkii kooxdaasi uga hawlgeli jiray Aagga Widhwidh, mana jiro ilaa hadda wax war ah oo ka soo baxay hogaanka sare ee SSC, inkastoo uu Keyse arintaasi ku cadeeyey waraysi uu siiyey warbaahinta Qaarkeed, waxaana uu ku soo beegmay ka bixitaankiisu maalmo uun ka bacdi markii wareegto ka soo baxday Hogaanka SSC xilkii lagaga qaaday Madaxa Dhaqaalaha & hantidhowrka Maxamed Xasan Buraale, halka sidoo kalena ay saacado uun ka soo wareegeen markii xilkii laga xayuubiyey taliyahii u sareeyey Ciidamadaasi Col. Maxamed Mire isla markaana eedayn dhabarka loogu saaray inuu shaqadiisii Gudan waayey.
Xidhiidhka kubadda cagta caalamiga ah ee FIFA ayaa ku dhawaaqay in taageerayaasha soo xaadiray garoomada ciyarahi ka socdeen ee K/Afrika ay guud ahaan dhamaayeen 3 Malyuun uu Ruux, ka hor ciyaartii Semifinal-ka ee xalay dhacday taasoo kaalinta sadexaad gelisay koobkan marka laga hadlayo koobabkii ugu badnaa ee la daawaday, iyadoo ay kaalimaha koobaad & labaadna kala galeen Koobkii 1994 ee USA & kii u dambeeyey ee Germany 2006. waxaana garoomada K/afrika ilaa hadda kaadhka goostay 2.997.000 ruux, xilli ay qabsoomeen 61 ciyaarood, qiyaastiina ka dhigaysa isku celcelis in ciyaar wealba ay daawadeen 49.134 ruux.
Xulka dalka Spain ayaa habeenkii xalay u gudbay ciyaarta kama dambaysta ah ee koobka adduunka 2010, taasoo ah halkii ugu saraysay ee uu ciyaaraha adduunka ka gaadho weligii sidoo kalena ay tahay markii ugu horaysay ee uu Finel-ka ciyaari doono, waxaana ciyaarta xalay ka qayb galay 18 ciyaaryahan oo labada dhinac ah oo ciyaaray ciyaartii Final-ka yurub ee ay labada kooxood iskaga hor yimaadeen sanadkii 2008, markaasoo ay Spain natiijadii xalay 1 & 0 oo kale kaga badisay Germanay.
Xulka dalka Holland ayaa noqday naadigii ugu horeeyey ee gaadha ciyaart kama dambaysta ah ee koobka adduunka 2010 ka dib markii ay xalay ciyaar adag si dirqi ah uga badiyeen Xulka hadhi waayey ee Uruguay natiijo khatar gelisay reer Holland 3 & 2, waxaan mar kale wacdaro sameeyey iyaaryahanada kala ah Arjen Robben & Wisley Snadier oo labada gool ee dambe u dhaliyey xulkaasi halka uu ciyaaryahanka 40 jirka ah ee Vanbroakost uu isna goolkii u horeeyey kaga nixiyey kooxda Uruguay, waxaana uu naadiga Orange sugayaa ciyaarta kulan madaxeedka Europe loogu yeedhay ee ay isku haleeli doonaan Kooxaha Germany & Spain, waana markii ugu horaysay ee ay Holland timaado ciyaarta kama dambaysta ah tan & sanadkii 1978.
Wadamadii isugu soo hadhay wareegii 8 kooxood ee koobkan adduunka 2010 ayaa waxa ay ahaayeen 4 wadan oo ja yimid dhankaa & Laatiin Ameerika, halka ay 3 kooxoodna ka timid dhanka Europe kooxda kalena ay afrikaan ahayd, waxaana wada ciyaaray 3 kooxood oo Laatiin ah & 3 Reer Europe ah taasoo ay wada badiyeen kooxahii reer Europe oo aan markii gore taariikh ahaan wax weyn ka heli jirin koobabka lagu martigeliyo meelo ka baxsan qaaradooda, waxaana ay taasi keentay in wadamadii Laatiinku ay noqdaan oo keliya kuwo ciyaartoydaay la yimaadeen ay anfaci karaan oo keliya Kooxaha Reer Europe.
